आज:  | Tue, 25, Jun, 2024

रास्ट्रगान गाउदै बिरगंजको युवाहरु ले गरे सर-सफाई !

युथ अफ वीरगंज November 30, 2019मा प्रकाशित (४ साल अघि) १९७८३ पाठक संख्या

बिरगंजको युवाहरु शनीवारको बिहान उठ्छन अनी नेपालको प्रवेशद्वार तिर लाग्छन अनी बिहान एक जुट भएर सर सफाइ तिर लाग्छन । सबैको मुख बाट निस्कन्छ “वाह क्या गजव” फेरी अर्को हप्ता अवस्था उस्तै । दक्षीण भारतका एक नागरिक भेटिए उनले के हुदैछ भनेर जिज्ञासा राखे ।

उनलाई स्वयंसेवकहरु साप्ताहिक बिदाको दिनमा आएर यो प्रवेशद्वारको सरसफाई गर्छन भनेर एक स्वयं सेवक बुझाउदै थिए । उनले पनि बुझै झै गरेर “ग्रेट वर्क” भन्दै टाउको हल्लाए ।

उनको अनुहारमा देखिने भावभंगिमाबाट लाग्थ्यो नेपालीहरु अनौठो काम गर्दैछन । उनले निकैबेर सफाई अभियान नियाले ।  बीरगंजमा बिभिन्न क्षेत्रहरुमा स्वयसेवीहरुले बिभिन्न खालका अभियानहरु चलाएर राम्रोे सन्देश प्रवाह गर्न लागेका छन । कोही रक्तदानमा जुटेका छन ।

 

कोही प्लाष्टिक निषेध हर्न निषेध भन्दै जुटेका छन । कोही श्रीसिया नदीको संरक्षण र बीरगंजको सभ्याताको रक्षामा लागेका छन । स्वयसेवीहरुको यस्तो प्रयासमा स्थानीय सरकारको द¥हो साथ नपाएको कतिपयले भने गुनासो गरेका छन ।

तेश्रो शनीवार सफाई अभियान संचालन गरेको भोलन्टीएर समुहले गरेको यो कामलाई सबैले प्रशंसा गरेका छन । पहिला महानगरले नै प्रवेशद्वारमा फोहर फालेर बीरगंजको प्रतिष्ठा लिने काम गरेको थियो ।

 

अहिले गुमेको प्रतिष्ठालाई फिर्ता गर्न यो समुहले प्रभावकारी काम गरेको छ । मेयर बिजय सरावगीनै यो अभियानमा सहभागि हुनुले पनि यही कुारको संकेत गर्छ ।  बीरगंज रक्सौल वीचमा रहेको मितेरी पुल नजिक शंकराचार्य गेट र आसपासको क्षेत्रमा सरसफाईले त्याहाका बासिन्दालाई पनि खुशी बनाएको छ ।

यसका साथै सरसफाई अभियान अन्तर्गत नै शंकराचार्यद्वारमा रहेको नेपालको झन्डा फेरिएको छ । हिजो शुक्रबार शंकराचार्यद्वारको अवलोकन तथा निरिक्षण गर्दै पर्साका प्रमुख जिल्ला अधिकारी नारायण प्रसाद भट्टराईले झन्डा फेर्ने गरेको आग्रह अनुसार झन्डा समेत फेरिएको भोलन्टियर वीरगंजका संयोजक राजन श्रीवास्तवले वताए ।

सरसफाई सम्पन्न पश्चात सरसफाई अभियानकर्मीहरु शंकराचार्यद्वारको झन्डा फेर्दै राष्ट्रगान समेत गाएको भोलन्टियर समुहका महासचिव श्याम सरार्फले वताए ।

सरसफाई कार्यक्रममा वीरगंज महानगरपालिकाका मेयर वीजय सरावगी, नेकपाका युवा नेता अरबिन्द सिंह, भोलेन्टियर समुहका करण यादव, राजा रौनियार, बिनय गुप्ता, कम्लेश कुश्ववाहा, नुतन सरावगी, सुशिला पौडेल, देवेस गुप्ता, अनिल हजरा, सेशकुमार हजरा, बिक्की सरार्फ, अनिस कुश्वाहा, किस्सु सरार्फ, राजा सरार्फ, दिपलाल साह लगायतको सहभागिता रहेको थियो ।