आज:  | Wed, 19, Jun, 2024

नेपाल प्रहरीका प्र. निरीक्षक कुमार मैनाली भए अन्तरास्ट्रिय प्रशिक्षक !

युथ अफ वीरगंज December 1, 2019मा प्रकाशित (४ साल अघि) २२०७२ पाठक संख्या
  1. प्र नि मैनाली अव अन्तराष्ट्रिय प्रशिक्षक
    प्रहरी निरिक्षक कुमार मैनाली विपद व्यवस्थापन सम्बन्धमा सञ्चालन हुने CADRE तालिमको अन्तराष्ट्रिय प्रशिक्षक बनेका छन । पाकिस्तानको इस्लामावादमा नोभेम्वर २१ देखि २८ सम्म सञ्चालित तालिममा उनि नेपाल प्रहरीवाट प्रशिक्षककको रुपमा खटिएका थिए । Community Action for Disaster Response (CADRE) समुदायमा आधारित विपद उद्दार सम्वन्धि तालिम हो । यस तालिम मार्फत समुदायका सदस्यहरुलाइ तालिम दिइ उनिहरुको विपद उद्दार सम्बन्धि क्षमता अभिवृद्दि गरिन्छ । विपद व्यवस्थापनको क्षत्रमा लामो समयदेखि काम काम गर्दै आएका मैनाली प्रहरी संगठनभित्र पनि क्षमतावान अधिकृत मानिन्छन ।

२ बर्ष नेपाल प्रहरीको विपद व्यवस्थापन महाशाखा समेत काम गरेका प्र नि मैनालीले स्वदेश तथा विदेशमा विपद सम्बन्धि बिभिन्न तालिम गरेका छन । उनको क्षमताको मनन गर्दै उनलाई अन्तराष्ट्रिय प्रशिक्षकको रुपमा पाकिस्तान पठाइएको हो । त्यसो त उनि नेपालमा भएका विपद व्यवस्थापन सम्बन्धी प्रशिक्षणहरुमा निरन्तर प्रशिक्षको रुपमा काम गर्दै आएका छन । यस अघि गत श्रावणमा नेपाल, भुटान, श्रिलंका र माल्दिभ्सका प्रशिक्षार्थीहरु सहभागि भएका Regional Collapsed Structure Search and Rescue (CSSR)” तालिममा नेपाल प्रहरीको तर्फबाट प्रशिक्षकको रुपमा खटिएका थिए ।

वडा प्रहरी कार्यलय श्रीपुर, पर्सामा रहँदा समेत उनले स्कुल तथा समुदायमा विपद उद्दार सम्वन्धि सचेतना कार्यक्रम हरु गरी समुदाय र प्रहरीलाइ जोड्ने काम गरेका थिए ।