आज:  | Tue, 25, Jun, 2024

ट्रकको ठक्करबाट वीरगञ्जमा एकको मृत्यु !

युथ अफ वीरगंज February 20, 2020मा प्रकाशित (४ साल अघि) ७७९९५ पाठक संख्या

वीरगञ्जमा बिहीबार साँझ ट्रकको ठक्करबाट एक युवकको मृत्यु भएको छ । साँझ ६ बजे ड्राइपोर्ट परवानीपुर सडक खण्डको मधु आयल अगाडि ना ७ ख १५१२ नम्बरको ट्रकले बाटो क्रस गरिरहेका वीरगञ्ज महानगरपालिका-१७ अलौका ३० वर्षीय अनिल प्रसाद यादवलाई ठक्कर दिएको थियो । उनको घटनास्थलमै मृत्यु भएको प्रहरीले जनाएको छ ।
दुर्घटनामा मृत्यु भएका यादवको शव पोष्टमार्टमको लागि नारायणी अस्पताल वीरगञ्ज पठाइएको ट्राफिक प्रहरी हवल्दार मणिभूषण यादवले जानकारी दिए । ठक्कर दिने ट्रकका चालकलाई वडा प्रहरी कार्यालय श्रीपुरले नियन्त्रणमा लिएको छ । मृतक यादव महानगरले लगाएको सवारी करको रकम उठाउने काम गर्दै आएका थिए ।