आज:  | Wed, 19, Jun, 2024

गरिबको गहुँबाली नाश गरेर मेला लगाउँदै मन्त्री प्रभु साह, भक्कानिदै गरिब

युथ अफ वीरगंज March 1, 2021मा प्रकाशित (३ साल अघि) २८१६२ पाठक संख्या

जनकपुरधाम । नेपाल सरकारको शहरी विकास मन्त्री प्रभु साहले स्थानीयहरुको गहुँ बाली नष्ट गरेर मेला लगाउन थालेको स्थानीयहरुले आरोप लगाएका छन् ।

रौतहट जिल्लाको मौलापुरमा आगामी फागुन २७ गते आयोजना गरिएको मौलापुर महोत्सव मेलाको लागि मन्दिरको अगाडीमा रहेको गहुँबालीलाई नष्ट गरेर मेला लगाउने तयारी गरेको एक महिलाले बताएकी छन् ।

समाजिक सँजालमा अपलोड गरिएको एक भिडियोमा स्थानीय एक महिलाले मन्त्री प्रभु साहले मेला लगाउनको लागि आफ्नो ५ कठ्ठा जमिनमा लगाएको गहुँ बाली नाश गरिदिएको बताएकी छन् ।

मेलाकै लागि पहिलेदेखि नै आसपासको जग्गामा समेत बाली लगाउन नदिएको आरोप लगाउँदै ती महिलाले लगाएको बालीलाई समेत नष्ट पारिदिएको भन्दै भक्कानिए । उनले बाली लगाउन नदिएको जमिनको मुआब्जा समेत नदिने गरी लगाइएको बालीको पनि उचीत मुआब्जा नदिएको भन्दै भक्कानिए ।

शिवरात्रीको अवसरमा फागुन २७ गते मौलापुर महोत्सव भन्दै मन्त्री साहले नै आयोजना गर्न लागेको बुझिएको छ । त्यसको लागि मुआब्जा कम दिएको भन्दै स्थानीय किसानहरु पीडित भएको बताइएको छ ।

समान्यत एक कठ्ठामा कम्तीमा पनि ३ मन अर्थात करिब सवा क्वीन्टल गहुँ उब्जीने गरेकोमा मन्त्री साहले ठाडो रुपमा कुनै सहमति नै नगरी अढाई मनको प्रति कठ्ठा लिएर जग्गा बाँझो राख्न भनेको बताइएको छ ।

बाँझो बाहेकका जग्गामा लगाइएको गहुँ बाली नष्ट गर्न थालेपछि स्थानीयहरुले मन्त्री साहले गुण्डागर्दी गरेको आरोप पनि लगाएका छन् । यद्यपी, मन्त्री साहले उनीहरुसँग पहिले नै कुराकानी गरी मुआब्जाको कुरा मिलाएको बुझिएको छ ।

स्थानीयहरुले मुआब्जा अझै थप्नुपर्ने मनसाय देखाएपनि खुल्ला रुपमा भने बोल्न सकेका छैनन् । यसबारे मन्त्री साहसँग सम्पर्क गर्न खोज्दा सम्पर्क भने हुन सकेनन् ।

source :- newsbureau