आज:  | Wed, 19, Jun, 2024

ओमानलाई ३९ रनले हराउँदै विश्वकप छनोटमा नेपालको सानदार सुरुवात

युथ अफ वीरगंज February 18, 2022मा प्रकाशित (२ साल अघि) २४१६ पाठक संख्या

नेपालले आईसीसी टी–२० विश्वकपको ग्लोबल छनोटमा ओमानलाई ३९ रनले हराउँदै सानदार सुरुवात गरेको छ ।
नेपालले दिएको ११८ रनको लक्ष्य पछ्याएको ओमान १७ ओभरमा सबै विकेट गुमाएर ७८ रनमा समेटियो।

ओमानका नासिम खुशीले १८ बलमा एक चौका र दुई छक्कासहित २४ रनबाहेक अन्यले दोहोरो अंक जोड्न सकेनन। त्यसबाहेक जितिन्द्र सिंह ९, खावर अली ७, आमिर कालिम ९, आयान खान ३, जसिम मक्सुदले २ रनमात्रै जोडे ।

नेपालका लागि कमलसिंह ऐरीले तीन तथा सन्दीप लामिछानेर दीपेन्द्रसिंह ऐरीले २-२ विकेट लिए । त्यसबाहेक जितेन्द्र मुखिया र अविनाश बोहराले १-१ विकेट लिए ।

टस हारेर पहिले ब्याटिङ गरेको नेपालले निर्धारित २० ओभरमा ८ विकेट गुमाएर ११७ रन बनायो ।

नेपालका लागि आरिफ सेखले सर्वाधिक ३८ रन बनाए । ३७ बल खेलेका उनले २ चौका प्रहार गरे ।

यस्तै कप्तान सन्दीप लामिछानेले अन्तिममा ७ बलमा एक चौका र एक छक्कासहित १६ रनको नटआउट पारी खेले |त्यसबाहेक नेपालका लोकश बम १६, ज्ञानेन्द्र मल्ल १५, कुशल भुर्तेल ५, आसिफ सेख ४, दीपेन्द्रसिंह ऐरी ११, विवेक यादवले ७ र कमलसिंह ऐरी १ रनमै आउट भए ।