आज:  | Tue, 25, Jun, 2024

घरमा चोरी गर्ने फैयाज आलम पक्राउ

युथ अफ वीरगंज February 8, 2023मा प्रकाशित (१ साल अघि) ५२८१६ पाठक संख्या


वीरगन्ज, मिति २०८९।१०/०७ गते दिउसो १३:०० बजेको समयमा जिल्ला पर्सा वीरगञ्ज महानगरपालिका वडा नं.१२ बस्ने वर्ष ५५ को कपिल प्रसाद रौनियारले कामको सिलसिलामा काठमाण्डौ गएको हुँदा निजको घरमा कोही नभएको मौका छोपी निजको दुई तल्लेघरको मूलढोकाको ताल्चा फुटाइ घरमा प्रवेश गरी घरमा रहेको नगद रू.१,००,०००।– ( एक लाख ) तथा गरगहना, अन्य सामानहरू ११,१०,०००।– ( एघार लाख दश हजार ) गरी जम्मा रू.१२,१०,०००।– ( बाह्र लाख दश हजार ) बराबरको धनमालहरू चोरी भएको भन्ने समेत व्यहोराको सूचना प्राप्त हुनासाथ यस कार्यालय तथा मातहत वडा प्रहरी कार्यालय श्रीपुर पर्साबाट प्र.नि.डिल्लीराज सापकोटाको कमाण्डमा अनुसन्धान अधिकृत सहितको प्रहरी टोलीले सुक्ष्म अनुसन्धान गरी खोज तलासको क्रममा मिति २०७९।१०।२३ गते अं.१५;०० बजेको समयमा जिल्ला पर्सा वीरगञ्ज महानगरपालिका वडा नं.१३ स्थित सडकखण्डबाट भारत विहार जिल्ला सितामढी वडा नं.६ सुगौली घर भई हाल जिल्ला पर्सा वीरगञ्ज महानगरपालिका वडा नं.१३ मा डेराकोठा लिइ बस्ने वर्ष २० को राजु आलम भन्ने फैयाज आलमलाई नियन्त्रणमा लिइ प्रारम्भिक सोधपुछ गर्दा उक्त घरमा निजले चोरी गरेको भन्ने खुल्न बुझिन आएको हुँदा निजको डेराकोठा रीतपुर्वक खानतलासी गर्दा चोरी भएको दशीको सामान LED थान-२ र क्यामेरा थान-१ अन्य गरगहनाहरू फेला पारी बरामद गरी निज राजु आलम भन्ने फैयाज आलमलाई यस कार्यालयमा ल्याइ निज विरुद्द चोरी सम्बन्धी कसूरमा मिति २०७९।१०।२४ गते दिन-५ ( पाँच ) म्याद थप अनुमति प्रदान गरी थप अनुसन्धान भैरहेको ।