आज:  | Tue, 25, Jun, 2024

वीरगंज महानगरपालिका वडा नं. ११ रानीघाट पुल नजिकैको सडक सहित सेफ्टी टंकी भांसिन पुगेको छ ।

युथ अफ वीरगंज November 17, 2023मा प्रकाशित (७ महिना अघि) ३५७१ पाठक संख्या


पूर्व मेयर विजय कुमार सरावगीको पालामा एसियाली विकाश बैंक (एडिबी) को सहयोगमा निर्माण गरिएको टंकी गलत डिजाइन र कमसल सामग्री प्रयोग गर्दा सडक सहित टंकी नै भांसिन पुगेको हो ।
झण्डै पौने तीन अर्बको लागतमा कालिका कन्स्ट्रक्सनले निर्माण सम्पन्न गरेको साना सहर तथा एकीकृत मझौला सहर विकास आयोजना अन्तर्गतको उक्त संरचना भत्किएको हो ।
एशियाली विकास बैंकको ऋण सहयोगमा वीरगंजलाई डुबानमुक्त बनाउन पूर्व मेयर सरावगीको पालामा निर्माण गरिएको पूर्वाधारहरुले महानगरवासीलाई भने निरन्तर दुःख दिईरहेको छ ।
वीरगंजवासीको घरघरबाट निस्किने फोहोर नाला मार्फत छपकैयाँ स्थित वाटर ट्रिटमेन्ट प्लान्टसम्म पु¥याउन निर्माण गरिएको सेफ्टी टंकी बिहीबार राती भाँसिएसँगै पुल दक्षिणतर्फबाट हुँदै आएको आउजाउ अवरुद्ध हुन पुगेको छ ।
छठ पर्वका लागि घाट बनाउने क्रममा राती अचानक टंकी सहित सडकको संरचना नै भासिन पुगेपछि आउजाउ नै ठप्प बन्न पुगेको छ ।
वीरगंजवासीको घरघरबाट निस्किने फोहोर नाला मार्फत छपकैयाँ स्थित वाटर ट्रिटमेन्ट प्लान्टसम्म पु¥याउन राधेमाई सिर्सिया पुल नजिक र रानीघाट पुल नजिक गरि २ स्थानमा सेफ्टी टंकी निर्माण गरिएको थियो । रानीघाट पुल दक्षिणतर्फ बनाइएको टंकी सहितको सडक संरचना भने बिहीबार राती भासिएको हो । गलत डिजाइन र कमसल सामान प्रयोगले निर्माण भएको ३÷४ वर्ष वित्न नपाउँदै संरचनाहरु भत्कन थालेको स्थानीय बताउँछन् ।