आज:  | Tue, 25, Jun, 2024

साँढेको प्रतिमा केही युवाहरुले तोडफोड गरेको घटनाको हामी घोर भर्त्सना गर्दछौँ : हिन्दू समाज

युथ अफ वीरगंज December 17, 2023मा प्रकाशित (६ महिना अघि) १८८१७ पाठक संख्या


महानगरले नगर सौन्दर्यकरण अभियान नै चलाएको र अहिलेसम्म महानगरका विभिन्न चोकचोक तथा पार्कहरुमा नेपालमा पाइने जीवजन्तु लगायतको प्रतिमा राख्दै आएको हामी सबैलाई जानकारी भएकै बिषय हो । महानगर प्रमुख राजेशमान सिंह वीरगंजलाई धार्मीक एवं सांस्कृतिक पर्यापर्यटकीय गन्तव्य बनाउने गरी योजनावद्ध कार्यमा लागिरहेको अवस्थामा भएको यो तोडफोडले हामीलाई समेत आहत तुल्याएको छ ।

परवानीपुरका स्थानीयले प्रतिमा विवादित रहेको भन्दै हटाउन आग्रह गरेको र महानगर प्रमुखले आफू समाजभन्दा टाढा नरही हटाउन तयार रहेको प्रतिबद्धता जाहेर गर्दा गर्दै भएको यो तोडफोडको घटना निन्दनीय रहेको हाम्रो ठहर छ । विकासका कार्य गर्दै गर्दा महानगरले पनि आउँदा दिनमा स्थानीयको माग र आवश्यकतालाई प्राथमिकता दिँदै गर्ने छ भन्ने अपेक्षा लिँदै यस घटनाबाट पाठ सिक्ने अवसर मिलेको हामीले महसुस गरेका छौँ ।

परवानीपुर चोकमा तोडफोड भएको शक्तिको प्रतिक साँढेको प्रतिमा हिन्दु धर्म संस्कृति झल्कने नन्दी स्वरुपमा पुन: स्थापित गर्न पनि जोरदार माग गर्दछौँ ।

अत: यो घटनालाई कसैले पनि राजनीतिक रोटी सेक्ने नाफा घाटाको रुपमा नलिन र अनर्गल प्रचारबाजी गरेर सामाजिक सद्भाव नविगार्न पनि यसै विज्ञप्तिमार्फत सबैलाई आग्रह गर्दछौं ।