आज:  | Wed, 19, Jun, 2024

भन्सार एजेन्टलाई हाकिमको साथ, कुकर्म गरेर कमाएको अकुत सम्पत्तिबाट दर्जनौ भवन खरिद

युथ अफ वीरगंज January 20, 2024मा प्रकाशित (५ महिना अघि) ३९७२३७ पाठक संख्या


वीरगंज । विरंगज भन्सार कार्यालय नेपालको प्रमुख भन्सार नाकामध्ये एक हो । कमल राउतकुर्मी विरगंज भन्सारमा बालाजी क्लीरङ्गाय नामको फर्मका एजेन्ट हुन३ । उनले भन्सारको कामगर्दा त्यहाँ जाने अधिकांश भन्सार प्रमुखहरुको विश्वास प्राप्त गरेको पाइएको छ । बोधराज निरौला, मधुसुदन पोखरेल, ध्रुवराज पन्त, तिलकमान सिंह भण्डारी, केवल भण्डारी, लावण्य कुमार ढकाल, रामहरि अर्याल, मित्रलाल रेग्मीसँग कुर्र्मीको विलक्षण सम्बन्ध रहेको स्रोतको दावी छ । कुर्मीको विशेषता भन्सार प्रमुख र व्यवसायीको विश्वासको पूल बनेर महँगो वस्तुको न्यूनतम मूल्यांकन गरी राजस्व छलिमा सहयोग गर्नु रहेको थियो । छलि भएको राजस्वको रकम भन्सार कर्मचारीहरुले मन पराएको रियल स्टेटमा लगानी गर्ने र कर्मचारीले भनेका बखत विक्री गर्ने वा अन्य व्यवस्थापन गर्नु रहेको थियो ।
सेबन्तक पोखरेल भन्सार प्रमुख भएर आएपछि कमल राउत कुर्मीको छोरा मनोज राउत कुर्मीले व्यापारी र भन्सार कर्मचारी बीच राजस्व हेराफेरी गर्न शुरु गरे ।
भन्सार हाकिमको प्रिय भएको कारण भन्सार विभागले सिफारिस गरी विभिन्न सेमिनारमा विदेश भ्रमण जान समेत मनोज सफल भए । श्याम प्रसाद भण्डारी, ढुण्डीराज निरौला, महेश आचार्य र विश्व प्रसाद अर्यालसम्म आई पुग्दा मनोज राउत कुर्मीले विरगंज भन्सार एकलौटी नै गर्न पाए ।
कुनै जमानामा विरगंज भन्सार प्रशासक रहेका नवराज ढुङ्गाना हाल राजस्व अनुसन्धान विभाग प्रमुख छन् ।
केही समय अगाडी बारा प्रहरीले विरगंज भन्सारबाट थोरै मूल्यांकन गरी राजस्व छलि भएका केही ट्रक राजस्व अनुसन्धान विभाग पथलैयामा पठाएको थियो । नवराज ढुङ्गानाको सेटिङ्गमा विरगंज बाट छुटेका ति ट्रकलाई पथलैयामा प्रहरीको रोहबरमा चेक जाँच भएन । राजस्व अनुसन्धान विभाग पथलैयाले बिना रोकटोक काठमाण्डौ पठायो र काठमाण्डौबाट सम्मान पूर्वक ट्रकले क्लियरेन्स पायो ।
मनोज राउतको दुई प्रमुख काम छन्, पहिलो देशलाई मारी राजस्व छल्ने र भ्रष्टाचार गराउने, दोस्रो भ्रष्टाचारी कर्मचारीहरुको कालो धन व्यवस्थित गर्ने ।
यस्तो कुकर्म गरेका मनोज राउत र कमल राउतको विरगंजमा एक दर्जन भन्दा बढी घर रहेका छन् । ति घरजग्गाहरु राजस्वको हाकिमहरुको भएको सुत्रको दावी छ । यस अतिरिक्त मनोज राउत र कमल राउतको अरबौँको सम्पत्ति रहेको छ । ती सम्पत्ती कुनै पुर्खाैली सम्पत्ती भने होईनन् । यो यिनीहरूले यस्तै कुकर्म गरि कमाएको सम्पत्ती हो ।

सम्पत्ति शुद्धिकरण असहाय
केही समय अघि कमल राउत कुर्मी र मनोज राउत कुर्मीको भ्रष्टाचार जनित धन सम्पत्ति बारेमा विरगंजका स्थानिय जागरुक जनताले सम्पत्ति शुद्धिकरण विभागमा प्रमाण सहित उजुरी दिएका थिए । सम्पत्ति शुद्धिकरण विभागले साधारण जनतालाई बोलाउना साथ तेह्र पन्ने फाराम भर्न लगाउँछ । त्यो फाराममा आफ्ना ससुराली, भाई, भतिजा, साला, जेठान सम्मको वितरण उल्लेख गर्नु पर्दछ । मनोज राउत कुर्मीलाई तेह्र पन्ने फाराम दिई पठाए पछि अर्थ मन्त्रालयका हस्तीहरुको चरम दबाव पछि कमल राउत कुर्मीलाई तेह्र पन्ने फाराम बुझाएकोमा अनुसन्धान अधिकृत आतंकित भएका थिए । पछि उक्त उजुरीलाई तामेलीमा राखियो ।

भ्रष्टाचार र भ्रष्टाचारीलाई कस्ले कारवाही गर्ने ?
निजामति कर्मचारी विरगंज भन्सार प्रमुख भएपछि देशको राजस्व बृद्धि गर्नु र प्रतिष्ठा जोगाउनु पर्ने हो । तर यहाँ त ‘बार्डेनले चितल मारी खाए वन रित्तिन्छ, भन्सार प्रमुखले कम राजस्व उठाए धन्सार रित्तिन्छ’ भन्ने उखान चरितार्थ हुन पुगेको छ ।
अहिलेका अर्थ मन्त्रीले निर्माण ब्याबसायीलाई पैसा दिन सकिन्न भन्ने लाचारी देखाउनु पनि यही भ्रष्टाचारको उपज हो । भ्रष्टाचारीलाई नियन्त्रण गर्न भ्रष्टाचारको धन थुपार्ने भकारी, धनबोक्ने मनोज राउत प्रकृतिको व्यक्तिलाई कारवाही गर्नु पर्दछ । यस्ता व्यक्तिलाई कारवाहीगर्दा संरक्षणमा आउने भ्रष्टाचारी स्वभाविक रुपमा समाप्त हुने छन् ।
अहिलेको नेपालमा यस्तो कठोर कदम उठाउने सामर्थ उप–प्रधानमन्त्री तथा गृहमन्त्री नारायण काजी श्रेष्ठमा देखिन्छ । तर नारायण काजीको कमजोर स्वास्थ्य अबस्था र चरम गुटबन्दी वा दबाबले त्यस्तो कदम उठ्न सक्छ वा सक्दैन त्यो त हेर्न बाँकी नै छ । आशा गरौँ नारायण काजी चाडै स्वस्थ हुन् र भ्रष्टाचारको निर्मुल गर्न सकुन् ।
अकुत सम्पत्तिबाट कुर्मीले खरिद गरेका व्यापारिक तथा आवासीय भवनहरु निम्न छन् ।