आज:  | Wed, 19, Jun, 2024

वीरगन्जका मस्जिदहरुमा महानगरले दियो गिजर मेशिन र कार्पेट

युथ अफ वीरगंज January 26, 2024मा प्रकाशित (४ महिना अघि) २७८२६ पाठक संख्या


वीरगन्ज,१२माघ : वीरगन्ज महानगरपालिकाले महानगरका सबै ३२ वटा वडामा रहेका मस्जिदहरुमा गिजर मेशिन र कार्पेट वितरण गरेको छ ।वीरगन्ज मुस्लिम उत्थान समितिको समन्वयमा महानगरपालिकाले ३२ वटै वडाका विभिन्न मस्जिदमा १/१ थान गिजर मेशिन र कार्पेट वितरण गरेको हो ।

अहिलेको बढ्दो चिसोमा तातो पानीको सेवा उपलब्ध होस् भनेर मस्जिदहरुमा गिजर मेशिन वितरण गरिएको महानगरपालिका मेयर राजेशमान सिंहले बताए । ‘मुस्लिम उत्थान समितिले नमाज पढ्न असहज भएको भनेर जानकारी गराए पछि उहाँहरुको सहजताका लागि महानगरका विभिन्न मस्जिदमा विद्युतीय गिजर मेशिन र कार्पेट उपलब्ध गराइएको हो,’ उनले भने ।