पाइप किन मसिनो प्रयोग गरेको भनेपछि जन्नत अन्सारीले एक महिलालाई मार्ने (पिटने) धम्कि दिए ।

वीरगंज । पर्साको वीरगञ्ज महानगरपालिका– १३, मुर्लिमा खानेपानीको पाइप बिछ्याउँदा योजना इस्टिमेटमा भएको भन्दा मसिना पाइप प्रयोग गरिएको भन्दै स्थानीय महिलाले आवाज उठाउँदा जसपाका नेताले महिलामाथि दुर्व्यवहार गरेका छन् । 

वीरगञ्जका स्थानीय पूर्वपद्रेशसभा सदस्य जन्नत अन्सारीले ती महिलालाई नेतागिरी गर्ने भन्दै झण्डै हात हालेनन् । चार इन्च र तीन इन्चको पाइप हाल्नुपर्ने इस्टिमेटमा व्यवस्था भए पनि ती महिलाको घरअगाडि भने डेढ इन्चको पाइप प्रयोग गरिएपछि ती महिलाले विरोध जनाएकी थिइन् ।

ती महिलाले विरोध जनाएपछि पूर्वप्रदेशसभा सांसद अन्सारीले महिलामाथि दुर्व्यवहार गरेका हुन् ।