बाराको निजगढमा भएकाे सवारी दुर्घटनामा एक जनाको मृत्यु भएको छ भने दुई जनाको अवस्था गम्भीर छ।

कलैया। बारामा भएको सवारी दुर्घटनामा एक जनाको मृत्यु भएको छ भने दुई जना गम्भीर रूपमा घाइते भएका छन्। बारा प्रहरीका अनुसार निजगढ क्षेत्रमै दुर्घटना भई घाइते परेका एक जनाले उपचारका क्रममा ज्यान गुमाएका हुन्।

वीरगन्ज–निजगढ सडकखण्डमा जनकपुरतर्फ जाँदै गरेको बा ०१ प ६७९४ नम्बरको कार र विपरीत दिशाबाट आएको बा.प्र. ०६-००३ प १७५३ नम्बरको सूमो एकआपसमा ठोक्किँदा दुर्घटना भएको जनाएको छ। घाइतेमध्ये एक जनाको अस्पतालमा उपचारका क्रममा मृत्यु भएको हो।

मृतकको परिचय अझै पुष्टि भएको छैन। सूमोमा रहेका वीरगन्ज महानगरपालिका–१० का बनारसी साह र सोही वडाकी सुमित्रा देवी गम्भीर घाइते छन्। उनीहरूलाई उपचारका लागि नारायणी अस्पताल लगिएको प्रहरीले जनाएको छ।

दुर्घटनामा संलग्न कार चालकलाई नियन्त्रणमा लिएर प्रहरीले थप अनुसन्धान अघि बढाइरहेको छ।